ONGOONGO TUKU ATU (15 ‘Epeleli, 2020)

Na’e me’a atu e ‘Eiki Minisita Mo’ui ki he Mala’evakapuna Fua’amotu ko e poupou ki he ngaue ‘i he kau’afonua ke ta’ota’ofi e ngaahi faingamalie ke hu mai ai e vailasi COVID-19.

Na’e tu’uta mai foki ‘a e vakapuna Air NZ A321 ‘o fakafoki atu e toko 200 ko e kau nofo fonua mo e kau tangata’i mo e fefine’i fonua Nu’usila ‘i Tonga ni.

Na’e ‘ikai foki ha pasese ne folau mai fakatatau ki he tu’utu’uni fakaPule’anga.

Na’e lava foki ‘o ‘omai e uta mahu’inga ai ‘a e Potungaue Mo’ui.

‘Oku hokohoko atu pe ‘a e ngaue vaofi ‘a e Potungaue Mo’ui pea mo e ngaahi kupu fekau’aki ‘i he kau’afonua.